Maraming salamat po sa inyong tiwala at pagtangkilik!
Sa sandaling panahon ng aming pagsisilbi, magalak po naming ipinababatid sa inyo na nagsimula sa isa, ngayon ay marami na tayong botika na makapaghahatid sa inyo ng mga gamot sa abot-kayang halaga!
Hangarin po naming mailapit sa inyo ang mabilis at dekaledad na serbisyo. kami po ay matatagpuan ninyo malapit sa inyong mga lugar.
Pinagpanaan,
Talavera
Main Branch
Gulod,
Talavera
(Franchise)
San Agustin,
Sto. Domingo
(Franchise)
La Torre,
Talavera
San Pascual,
Talavera
(Franchise)
Maestrang Kikay,
Talavera
(Franchise)
Cruz Roja,
Cabanatuan City
(Franchise)
Ang Aming Simula
Salamat po sa paglalaan ng oras upang makilala kami.
Ang J and C Drugmart ay itinayo bilang isang pagpupugay sa alaala nina Jose at Clarita Altoveros Calma— dalawang taong minahal at iginalang ng mga nakakakilala sa kanila sa bayan ng Talavera, Nueva Ecija, dahil sa kanilang dakilang kabutihan, malasakit, at pagiging bukas-palad. Ang pangalan ng aming botika ay hango sa kanilang mga inisyal, bilang simbolo ng pagpapatuloy sa kanilang naiwan na pamana ng pagmamalasakit sa kapwa.
Itinatag ang J and C Drugmart noong 2023 ni Laila Altoveros Calma, isang dating nurse sa Saudi Arabia na nagsilbi nang halos tatlong dekada. Sa di inaasahang pangyayari, siya ay napilitang tumigil sa pagsisilbi sa kapwa dahil sa malubhang sakit na dumapo sa kanya dala ng Covid-19. Siya ay pinagpalang nakaligtas at dahil doon, hindi nawala ang kanyang hangaring maglingkod at tumulong sa kapwa. Sa pamamagitan ng J and C Drugmart, ipinagpatuloy niya ang serbisyong medikal sa isang bagong anyo- ang makapaghatid sa ating mga mamamayan ng mga gamot at pangunahing pangangailangan sa abot-kayang halaga.
Nasimulan ang J and C Drugmart sa tulong ni Joycelyn Calma de la Cruz, RPh., apo nina Jose at Clarita.
Isa sa mga layunin ng aming botika ay ang mapalapit ang serbisyo sa mga tao — kaya’t matatagpuan ang aming mga botika sa mga barangay at sa mataong lugar ng bayan. Sa ganitong paraan, hindi na kailangang bumiyahe nang malayo o makipagsiksikan upang makabili ng gamot o ibang produkto para sa kalusugan.
Sa loob ng maikling panahon, kami ay nagpapasalamat sa Maykapal at nadagdagan na ang aming lokasyon. Sa J and C Drugmart, hindi lang murang gamot ang aming iniaalok — kundi serbisyong may puso, alaala ng kabutihan nina Jose at Clarita, at dedikasyong ipagpatuloy ito para sa mga susunod pang henerasyon.
Nawa’y maging bahagi kami ng inyong mas malusog na bukas!
Gusto mo bang magkaroon ng sariling botika?
Hindi biro ang magtayo ng sariling negosyo, lalo na kung botika ang balak mong buksan. Pero kapag may tamang gabay mula sa isang taong dumaan na sa proseso, mas magiging madali ang lahat. Aaminin namin- nahirapan din kami noong nagsisimula pa lang. Pero dahil sa lahat ng aming natutunan, kami ay nagpapasalamat at ngayon—mula sa iisang botika lamang, ngayon ay marami na tayong natulungan na magkaroon ng sarili nilang botika sa maikling panahon.
Higit pa sa pagkakaroon ng sariling botika, hindi lang ito simpleng negosyo. Isa itong marangal na paraan upang makatulong sa iba gaya ng dahilan kung bakit namin sinimulan ang J and C Drugmart. Hindi mo kailangang maging isang pharmacist para makapagsimula. Kahit na sino pwedeng magkaroon ng botika. Ang kailangan mo lang ay determinasyon, tiyaga, puhunan at tiwala sa Maykapal.
Kung nais mong malaman kung paano magsimula ng sariling botika, mag-email lamang sa amin sa jandcdrugmart@gmail.com.
Magtulungan tayo sa pag-asenso!
